Këtë pjatë mund ta shërbeni të ftohtë, në formë sallate.
Përbërësit për 4 persona:
Makarona pene 500 gr
Ullinj në feta 100 gr
Sallam Hako në feta 150-200 gr
Djathë pekorino 100 gr
2 speca gogozhar
Borzilok të freskët
Vaj ulliri
Kripë, piper
Përgatitja: Ndërsa zjeni makaronat, mund të mereni me prerjen e të gjithë përbërësve të tjerë. Specat dhe sallamin pritini në shirita, ullinjtë, nëse nuk janë, pritini në feta të holla, ndërsa djathin mund ta grini.
Pasi kulluat makaronat, shtoni aty të gjithë përbërësit e tjerë përveç djathit.
Rregulloni shijen me erëza dhe vaj ulliri. Trazojini mirë dhe shërbejini duke shtuar djathin.
