Real Madrid është kthyer zyrtarisht në luftë për titull në kampionatin spanjoll. “Los Blancos” kanë mundur me lehtësi 5-1 skuadrën e Getafe-s në transfertë dhe tani ndodhen në vendin e dytë vetëm një pikë larg kryesuesve të Barcelona-s, të cilët do të presin Valencia-n në shtëpi ditën e nesërme.
Ekipi i Zidane ka regjistruar fitoren e gjashtë radhazi në kampionat dhe ka pësuar vetëm një humbje në 18 takimet e fundit të luajtura në La Liga.
Humbje që ka ardhur 27 shkurtin e kaluar kur është mundur në “Bernabeu” nga rivalët e Atletico Madrid, që mbajnë vendin e tretë në kampionat, dy pikë larg “Los Blancos”, por lojtarët e Simeone-s kanë një ndeshje më pak.
