Real Madrid ka hedhur një hap shumë të rëndësishëm për të siguruar çerekfinalet e Ligës së Kampioneve duke fituar me shifrat 2-1 në derbin përballë Atletikos të luajtur në “Santiago Bernabeu”. Golat janë shënuar nga Rodrigo në minutën e 4-t, Brahim Diaz në minutën 55m dhe për Atletikon goli u shënua nga Alvarez në minutën 32.
Sulmuesi brazilian Rodrigo dhe ai argjentinas Hulian Alvarez, kanë qenë protagonistët e pjesës së parë të derbit mes Realit dhe Atletikos në Ligën e Kampioneve.
Rodrigo ishte ai i cili i dha avantazhin Realit pas 3 minutash e 26 sekondash lojë, duke u bërë golashënuesi më i shpejtë i ndeshjeve derbi mes këtyre skuadrave në takime me eliminim direkt në arnën kombëtare apo ndërkombëtare.
Në minutën e 33-të, ishte radha e Alvarez të shënonte një gol po aq të bukur në portën e Kurtua, duke barazuar shifrat e thyer një “mallkim” disavjeçar. Ai u bë futbollisti i dytë i historisë së Atletiko Madrid që shënonte në “Santiago Bernabeu” në një ndeshje të Ligës së Kampioneve, pas Çuzo i cili e kishte bërë në vitin e largët 1959.
