Real Madridi ka refuzuar një ofertë prej 45 milion euro nga Arsenali për mesfushorin Isco, kështu ka raportuar e përditshmja madrilene, Marca.
Arsenali ka kohë që është e interesuar për mesfushorin spanjoll, Isco, i cili flitej se do të largohej nga Santiago Bernabeu për shkak të marrëdhënieve jo të mira me ish trajnerin Rafa Benitez.
Mirëpo, pas largimit të Benitez gjithçka ndryshoi. Sipas Marca ishte vetë Zinedine Zidane ai që insistoi që Isco të qëndrojë në Santiago Bernabeu.
Që nga ardhja e Zidane, Isco ka startuar në çdo ndeshje për Realin dhe ka qenë më i mirë në fushë në bazë të statistikave dhe kjo është arsyeja se pse Zidane e dëshiron atë në skuadër, duke refuzuar kështu ofertën e skuadrës së Wengerit, transmeton Marca.