Fabio Coentrao është rikthyer në stërvitje me Realin. Real Madridi ka marrë lajme të mira gjatë ditës së enjte.
Mbrojtësi i majtë, Fabio Coentrao, i cili sezonin e kaluar ishte i huazuar te Monaco, është rikthyer nga lëndimi i rëndë që pësoi muaj më parë te klubi francez.
Coentrao së bashku me Cristiano Ronaldon e Pepe, u stërvitën veçmas nga pjesa tjetër e skuadrës.
Kujtojmë se Coentrao do të qëndrojë këtë vit në Madrid me kërkesë të Zinedine Zidane, pasi trajneri francez dëshiron një zëvendësues për Marcelon dhe Coentrao është ideali, citohet “Express”. (b.an)