Real Madrid tashmë është në finalen e Botërorit të Klubeve. Madrilenët mposhtën ekipin meksikan Club America me dy gola, nga një në secilën pjesë. Edhe pse dominuan të gjithë ndeshjen Los Blancos arritën vetëm dy herë ta dërgojnë topin në rrjetë, me Karim Benzema në mbyllje të pjesës së parë, dhe me golin e të përhershmit Cristiano Ronaldo në minutën e 93’.
Kjo është finalja e dytë në Kupën e Botës për Real Madrid brenda 3 viteve. Galaktikët, gjithashtu fitues në vitin 2014, do të përballen me ekipin japonez Kashima Antlers të dielën në stadiumin Yokohoma. Kashima Antlers mposhti Atletico Nacional në gjysmëfinale me rezultatin 3-0.
ma.me
