Paraditen e sotme Partia Demokratike përmes Edi Palokës ka hedhur akuza drejt Kryeministrit Rama dhe qeverisë në lidhje me dekorimet e ish figurave të komunizmit. Sipas PD, Rama ka dekoruar xhelatët e komunizmit në 29 nëntor, duke provokuar shqiptarët. Paloka tha:
“Dekorimi i xhelatëve është një thikë pas shpine që u bëhet shqiptarëve, një provokim i një regjimi të ri, që po dëshmon se ka rrënjë e mendësi të përbashkëta me dikaturën gjakatare komuniste.”
Në lidhje me çështjen ka reaguar përmes një postimi në Twitter këshilltari për median i kryeministrit Endri Fuga, i cili ka sqaruar se dekoratat janë dhënë vitin e shkuar për veteranët e luftës Nacional Çlirimtare dhe jo për emra të veçantë. Fuga ka theksuar se nuk është dhënë asnjë dekoratë këtë vit, siç pretendon PD.
“Medalja e mirenjohjes i eshte dhene vjet te gjithe veteraneve te kategorise I, jo emrave te veçante. Kush gezon kete status u dekorua VJET!”- shkruan Fuga.
