Pas daljes së saj nga “Big Brother”, Armela ka dashur njëherë e mirë të sqarojë të gjithë ata që e kanë mbështetur në lojën dhe marrëdhëniet që ajo krijoi brenda shtëpisë.
Edhe pse ajo dhe Damiano ishin një nga çiftet më të pëlqyera, kjo nuk përjashtoi shumë zëra që qarkullonin rreth lidhjes së tyre.
Tanimë që Armela është jashtë dyerve të shtëpisë së famshme, ka reflektuar dhe e ka parë të nevojshme të bëjë një përmbledhje të rrugëtimit të saj në “Big Brother”. Ndër të tjera, ajo ka sqaruar atë për të cilën janë të gjithë kureshtarë:
Çfarë do të ndodhë tanimë mes çiftit? “Jam femër, por kjo nuk do të thotë që kam më pak sedër se një mashkull. Rrjedha që mori “Big Brother-i” ishte një lojë. Nuk hyra aty për të gjetur një lidhje të re, por siç e kam thënë dhe në fillim, për të kënaqur ambicien dhe egon time, pse jo për të qenë modeli i të gjitha femrave të cilat luftojnë për veten, pa qenë të varura nga një mashkull.
Meqë formati kërkoi një Love Edition, veprova ashtu siç m’u kërkua, por me mend. Zgjodha mashkullin më të fortë aty.”-përfundon ajo deklaratën, paksa e zhgënjyer nga persona tek të cilët siç duket, besonte më shumë./Revista Anabel/
