Këshilli i Lartë i Prokurorisë është në gjende për të kryer procesin e vetingut nëse afatet e organeve të rivlerësimit kalimtar nuk zgjaten. Nënkryetari i KLP-së, Alfred Balla deklaroi në komisionin parlamentar për çështjet ligjore se ky institucion prej tre vitesh tashmë kryen rivlerësimin e magjistratëve të rinj që hyjnë në sistem.
“Besoj se KLP i ka kapacitet, do të ishte absurde të thuash që nuk i ka. Ne me ligj, edhe aktualisht, kemi 3 vjet që bëjmë vetingun për magjistratët e rinjë. Pra, ne kalojmë në veting 20-25 magjistrat të rijnë që hynë në sistem dhe kur mbarojnë shkollën ia bëjmë prapë”, tha Alfred Balla.
Deputeti Enkelejd Alibeaj kritikoi institucionin, i cili nuk kishte përllogaritur fondet vjetore për vetingun e prokurorëve në rast se mandate i Komisionit të Pavarur të Kualifikimit nuk zgjatet.
“Juve u shprehët sit ë vendosë qeveria. Do t’ia lër KLGJ-së apo KLP-së, si të vendos parlamentit. Ku e dini ju që do të ndryshojë kushtetuta? Edhe ndodhin edhe s’ndodhin. Ju keni një fakt të sigurt, vetingun. Po sikur në 17 qershor të jeni ju që do të bëni vetingun, ju kërkesë nuk keni bërë për fonde, ju për staf shtesë nuk keni bërë”, u shpreh Alfred Balla.
Po për KLP llogaritë ishin të thjeshta. “Për vazhdimin e procesit të rivlerësimit ka proces të kualifikua, nuk mendoj që nuk ka. Dhe ne nuk kemi bërë një studim pasi lekët janë dhe ato do të ndahen midis KLGJ-së dhe KLP-së. Të paktën për mua si jurist është e thjeshtë”, tha Alfred Balla.
“Ti po thua këtë gjë, mirë me vjehrrën, mirë me nusen. Po desh qeveria të na japë paratë, ne s’jemi bërë kërkesën. Po thoni në mënyrë tjetër që s’keni marrë masat për të zbatuar”, tha Alibeaj.
Në komision u paraqitë dhe drejtuesi i SPAK, i cili në parim ishte i kënaqur me buxhetin që i kishte dhënë Ministria e Financave, por kishte një merak.
“Këtë vit, pra për vitin 2022, na ka ul një 10 milionë lekësh në krahasim me aq sa kishim këtë vit. Mendoj se kjo duhet të na jepet sërish pasi do të na duhet. Një 10 milionë bëhet fjalë, të reja se 10 milionë të vjetra s’jua kërkoj fare”, u shpreh Arben Kraja.
Kërkesat e SPAK u aprovuan nga Komisioni i Ligjeve duke ia përcjell për miratim Komisionit për Ekonominë dhe Financat./m.j
