Ndryshimi i klimës dhe aktiviteti i njeriut po luajnën një rol vendimtar në rënien e përgjithshme të popullatës detare. Kjo thuhet në raportin e fundit të pregatitur nga Fondi Botëror “Wildlife” dhe “Shoqëria zoologjike e Londrës”.
Raporti i cili ka analizuar më shumë se 1.200 lloje të krijesave detare në 45 vitet e fundit, ka dalë në përfundimin se popullatat e gjitarëve detare, zogjve, peshqve dhe zvarranikëve ka rënë me 49% që nga viti 1970.
Studimi thekson se përveç rolit të aktiviteteve të njeriut, si psh aktiviteti i peshkimit, gjithashtu edhe ndryshimi i klimës është duke luajtur një ndikim të madh.
Sipas raportit, të pasqyruar dhe në BBC, dioksidi i karbonit është duke u zhytur në oqeane, duke i bërë ata më acid, e duke dëmtuar kështu një numër të madh të specieve.
“Kjo gjë do të çoje shumë shpejt në zhdukjen e shumë specieve detare”-theksuan autorët e raportit.
