Të rinjtë e FRPD-së kanë protestuar këtë 8 dhjetor në një sërë ministrish dhe më pas në kryeministri, protesta që kanë sjellë dhe reagimin e mëparshëm të Ramës, në lidhje me reformën në arsim dhe situatën në këtë sektor. Më vonë, FRPD dhe lideri i demokratëve u mblodhën në sheshin demokracia në Qytetin Studenti, nga ku Basha tha se raporti i Komisionit Europian që publikoi Rama në rrjetin social për të kundërshtuar protestat, është i paguar. Një deklaratë e tillë ka sjellë sërish reagimin e Kryeministrit Rama, i cili kësaj here ka ironizuar liderin demokrat, duke i thënë se edhe kësaj here mesa duket, përkthimi i dokumentit të Komisionit Europian për reformën në arsim, duhet të jetë i gabuar (siç ndodhi me Vettingun e shumëpërfolur).
Cfarë tha Basha nga Qyteti Studenti
”Edhe sot Kryeministri na kujtoi, ndërkohë që ju ishit në protestë… të lexoni raporte. Populli nuk jeton duke lexuar raporte, rinia nuk arsimohet duke lexuar raporte. Aq më pak raporte të porositura e të paguara për ta bërë të zezën të bardhë. E zeza e bardhë nuk bëhet kurrë me propagandë, nuk bëhet kurrë me mashtrime.”
Ironia e Ramës në rrjetin social
“Sipas Lulit edhe PISA2015 ka perkthyer gabim rezultatet e Shqiperise ne arsim!E kane paguar! Dikush t’i thote qe paraja nuk eshte gjithçka”- shkruan Rama
Më herët gjatë protestave të FRPD-së, simpatizantët që ndodheshin në tubim pranë Ministrisë së Shëndetësi deklaruan se reforma në arsim dhe ministrja Nikolla kanë dënuar një brez të tërë studentësh. Kjo solli dhe reagimin e Ramës, që publikoi këtë raport të Komisionit Europian:
Të rinjtë e nxitur nga partitë të protestojnë për arsimin të lexojnë rezultatet e Shqipërisë në programin PISA2015 https://t.co/rgQ7jaVeU3
.java/a.k
