Kryeministri Edi Rama ka komentuar raportin e OSBE/ODIHR për zgjedhjet e 30 Qershorit teksa shprehet se ai e ka certifikuar procesin si legjitim.
Rama ka edhe një apel për opozitën e drejtuar nga PD. Ai shprehet se dora e mazhorancës mbetet e shtrirë për dialog e bashkëpunim në funksion të reformës zgjedhore.
Shefi i qeverisë shprehet se qytetarët presin të hapet një faqe e re dialogu për vendin.
Ja postimi i plotë i Ramës:
Përpjekja për të ngritur një furtunë në gotë mbi Raportin e OSBE/ODHIR-it është e kotë, e gabuar dhe e dëmshme për vendin, e në radhë të parë për opozitën joparlamentare! Raporti ka çertifikuar zgjedhjet si krejt legjitime e ka dhënë rekomandime në shërbim të reformës që na duhet!
Zgjedhjet e 2021 nuk janë larg për kohën që duhet për adresimin e rekomandimeve në funksion të Reformës Zgjedhore. Prandaj le të fokusohemi tek kjo reformë themelore dhe të përgatisim me frymë DIALOGU e BASHKEPUNIMI, zgjedhjet e ardhshme. Dora jonë është e shtrirë për të gjithë.
Çdo vonesë e kotë sot e bën më të vështirë arritjen e një rezultati domethënës, në adresimin e problematikës së evidentuar përmes rekomandimeve. Ne presim, po koha nuk pret qytetarët tanë pa dallim, presin prej nesh të hapim një faqe të re DIALOGU e BASHKEPUNIMI për Shqipërinë.
