Raporti i OSBE, Peleshi: Nuk do mbajmë qëndrim
Zv.kryeministri Niko Peleshi tha se qeveria nuk do të mbajë qëndrim ndaj OSBE-së pas publikimit pak ditë më parë të një raporti sekret të saj që fliste për pasuritë 200 milionë euro të kryeministrit Edi Rama.
Në një prononcim për mediat në selinë e PS-së, Peleshi tha se “s’besoj se ka një arsye për të diskutuar projektet e OSBE-së. Për ngjarjet e fundit s’mendoi se duhet të mbajmë qëndrim”. Lidhur me letrën e sekretarit të përgjithshëm të Ministrisë së Jashtme, Qirjako Qirko, ministri Bushati u shpreh se “OSBE është një organizatë shumë e rëndësishme, ne jemi vend anëtarë kemi rol kyç në këtë organizatë, jemi vend anëtarë në NATO dhe kandidat në BE. Cdo vit ka një proces rishikimi të prioriteteve apo programeve kryesore, të prezencave kudo ku janë. Shqipëria nuk bën përjashtim dhe ka dakordësi të plotë për të pasur një periodizim më të mirë të programeve që ajo ka në Shqipëri”.
