Deputeti i Partisë Republikane Agron Duka ka reaguar për raportin e OSBE-së të bërë publik në media, ku në të përmendet emri i tij, duke paralajmëruar dërgimin e tij në gjykatë. Nga foltorja e Kuvendit, Duka e ka quajtur raportin një shpifje që ka cënuar dinjitetin e tij dhe të familjes.
Në këtë kuadër, Duka tha se do t’i drejtohet autoriteteve të drejtësisë për të vënë në vend dinjitetin e tij.
“Sot jam deputet i opozitës dhe mbroj vendimet e opozitës. Nuk kam shpikur kurrë gjatë gjithë jetës sime. Autorësia e këtyre shpifjeve është munduar të justifikohet. Do bëj përpjekje me avokatin tim pasi ky raport më ka cenuar dinjiteti dhe familjen. Nuk mund t’ia lë vetes sime të kapërdijë ato tre fjali. Do i drejtohem institucioneve të drejtësisë”, ka thënë Duka.
Në raportin e publikuar pak ditë më parë, për të cilin OSBE ka thënë se nuk është një raport zyrtar, por janë informacione të mbledhura nga mediat, për deputetin Agron Duka shkruhet së është “IshMinistër i Bujqësisë me biznese në fushën e prodhimeve ushqimore, ndërtim dhe eksportimport dhe se dyshohet për evazion fiskal me shmangien e taksave në vlerën e rreth 30 milionë eurove”.
