Ish-Kryetarja e Parlamentit, aktualisht deputete e Partisë Demokratike Jozefina Topalli ka kërkuar nga kolegët e saj deputetë të mos e miratojnë ligjin e Arsimit të Lartë. Sipas Topallit, ligji në fjalë favorizon vetëm të pasurit pasi studentët do të duhet të paguajnë tarifa më të larta për studimet e tyre.
“Nuk ka gjë më të keqe, që një fëmijë i shkëlqyer të mund të mos vijë në Tiranë për të studiuar, pasi prindërit nuk kanë mundësi që t’i sjellin këtu. Pra a nuk kemi të drejtë që të themi rishikoni edhe njëherë ligjin e Arsimit të Lartë? Pasi njerëzit nuk kanë lekë për të ngrënë aty ku jetojnë, e jo të paguajnë tarifa të larta për universitetet”.
Duke cituar Viktor Hygon, Topalli shtoi: “Aty ku mbyllet një derë universiteti, hapet një derë burgu”.
