Kryeministri i Maqedonisë Zoran Zaev është takuar me kryeministrin e Shqipërisë Edi Rama, në samitin e 100 që po mbahet në Shkup.
Kryeministri Rama e ka uruar Zaevin për procesin zgjedhor ferr dhe demokratik, Të dy kryeministrat kanë konstatuar se Maqedonia dhe Shqipëria, kanë raporte të mira politike, pa çështje të hapura dhe kjo është një bazë e mirë për intensifikimin e bashkëpunimit në drejtim të aplikimit të standardeve evropiane, bashkëpunimit ekonomik, si dhe sigurimin e kushteve për integrimet euro-atlantike në gjithë rajonin. “Qeveria e Maqedonisë do të vazhdojë që i përmirësojë raportet fqinjësore përmes rrugës miqësore me çka edhe më tutje do të kontribuojë në zhvillimin regjional si dhe hapjen e rrugës kah NATO dhe BE, të cilat janë qëllime strategjike të shteti” deklaroi Zoran Zaev.
Në takim janë diskutuar edhe mundësitë për avancimin e bashkëpunimit tregtar dhe ekonomik mes dy shteteve. Është theksuar se pjesëmarrja e përbashkët në Samitin e 100 në Shkup është dëshmi për vullnetin politik për zhvillimin e bashkëpunimit ekonomik rajonal, për lidhjen e biznes bashkësive, investime të përbashkëta, lidhjen transportuese etj. Po ashtu në takim është biseduar edhe për intensifikimin e aktiviteteve për një mbledhje të përbashkët të qeverive të Maqedonisë dhe Shqipërisë. /a.m.
