Kryeministri Edi Rama, ndërsa prezantonte projektbuxhetin, nuk i ka kursyer batutat për deputetët e PD-së, që ndërhynin nga vendi.
“Kanë bërë shumë zhurmë këta për luks e makina e ku di unë se ca.
Raporti i totalit të shpenzimeve operative është i qartë, se këta nuk e durojnë dot humorin e ironinë, punojnë me mjete të forta, bum, bum bum si ke cepi i lagjes, ose forma të tjera.
Ju quani luks pastëritë, ju po patë që dikush pastron thoni pse merret me punë luksoze, pse pastrohet. Pisllëku është më dinjitoz, rrëmuja, balta është më dinjitoze, kurse rregulli është luks për ju dhe faktikisht këto janë shifrat, mos hyjmë se c’i keni bërë benzinës e makinave. I keni trajtuar si kuaj e benzinën si ujë”, tha Rama.
“Si i prisnit të huajt ju, bëtë një shteg dhish, rrugë që kishte kope me dele, lopë qen e mace në dy anët, apo bëtë rrugën që shkuat dhe hapët dhe tunelin e latë atë rrugë gropë në buxhet. Ju jeni te kali te shtegu dhe horizonti”, tha Rama.
Në përgjigje të deputetit të PD në Shkodër, që replikoi nga vendi, Rama tha:
“Kujdes me gjuhën, po ti pse more zjarr apo pse iku Jozefina, lëre Jozefinën se flet Jozefina me ty.
Meqë je deputet i Shkodrës ti pse nuk i dëmshpërblyet ata të përmbytjeve, ne dëmshpërblyem edhe për çdo pulë”.
Ndërhyn deputeti
Rama: Ti s’ke respekt për pulat se të duket vetja më i mençur se një pulë, kurse unë duke të parë ty më rritet respekti për pulat. S’ke respekt për pulat, mos bëj si gjel. Tani që të kemi hapësirë tjetër publicitare duhet të vijë ai që bën publicitetin.
T’u flas juve për arsimin është si të predikosh kulturë në stallë, unë sdo flas për arsimin fare.
Nëse keni pyetje do ju japim përgjigje, për shnëdetësinë do ju lë juve të thoni ç’të doni, për sportin është e kot të zgjatem unë, se juve krijuat disa lloje sportesh në vend: ndërtimin pa leje, mitingun, ulërimën edhe shaj e shaj që të ngelet diçka. Keni investuar për sportin në 8 vjet 80 milionë lekë të vjetra.
Revolucionin ta ëndërroni, por për sa kohë do bëni mitingje duke bërë revolucion do mbeteni te llojet e vjetra të sportit që në fund të ditës do i luani vetëm, se që t’u vinë shqiptarët në atë lloj sporti. Ajo kohë iku, unë po e ndërpres vetë. Duhet të vijë ai që të hudheni përpjetë ju, unë po e mbyll vetë, miratoj atë që për arsye moshë duhet të ikë e të vijë sa here, se duhet të dalë jashtë.
Paloka: Ne e dëgjujam kryeministri për katër orë, se është bërë si Ahmhadinexhati. Do doja që mos kemi skena të tilla më në parlament. Juve zoti kryetar t’i tërhiqni vëmendjen këtij sa herë rrëshket, s’është faji jonë që ai s’di të flasë për buxhetin dhe flet katër orë. Atë punën e gojës dhe zorrës s’e ka për herë të parë sot dhe ne ia kemi thënë, i vetmi që as gojën as zorrën se përdor për atë që ia ka dhënë Zoti është ai.
Meta: Ju lutem mos bëni autogola.
Rama: Normalisht kur hidheni përpjetë dhe bëni akuza se dikush iu tha atë që nuk jua tha por ju e merrni me mend se gjuha shkon ku dhemb dhembi. Minimalisht duhet të keni aftësinë që çka kërkoni nga tjetri ta mishëroni vetë. E mora fjalën jo për të kërkuar ndjesë por mëshirën e shumicës këtu për këtë që foli para meje se vura re që është ora dy dhe ky ka orën që duhet të fitojë corbën, dhe me ato qe tha garantoi bukën e përditshme, që ia jep i madhi Zot, kështu që mëshirë për zotëriun.
TEMA
