Mbrëmë në emisionin “Të paekspozuarit” në Ora Neës, deputeti socialist Koço Kokëdhima tregoi për publikun hobin e tij si koleksionist. Medalje të dhëna nga shtetarët shqiptarë që nga Princ Vidi, Ahmet Zogu e deri te Enver Hoxha janë pjesë e koleksionit të tij privat.
Mes morisë së objekteve në koleksionin e tij është edhe një telefon prodhim rus i vitit 1947 që i ishte dhuruar Enver Hoxhës. Kokëdhima thotë se deri në vitin 1972 atë telefon e ka përdorur Enver Hoxha.
“Me siguri që ky është një telefon që ka transmetuar shumë urdhra për atë periudhë”, shprehet Kokëdhima.
Shtëpia i ngjan deri diku edhe një muzeu antik me piktura, skulptura, shpata, jataganë e armë të vjetra, shkruan lapsi.al.
Një pjesë e tyre janë të vjetra mijëra vjet. Kokëdhima thotë se i ka ndodhur që një objekt ta ketë ndjekur për vite të tëra derisa ta ketë marrë.
