Kryeministri Edi Rama në vijim të takimeve në qarkun e Elbasanit, është ndalur në njësinë administrative Papër, ku ka kërkuar mbështetjen e qytetarëve qe PS të qeverise pa parti në prehër, siç e konsideron ai, për të vazhduar reformat.
Ne statusin e tij Facebook, Rama shprehet:“ERTV Live😀: Në Papër të Elbasanit – Siç luftuam dhe fituam për Vettingun, do të luftojmë e fitojmë për të rritur ekonominë dhe punësimin si asnjëherë më parë. Kemi bërë shumë. Më shumë akoma mbetet për të bërë. Po ka edhe shumë për të humbur, nëse #PartiaSocialiste🌹 nuk mban, pa të tjerë në prehër, timonin e reformave. Për #ShqipërinëQëDuam🇦🇱🇪🇺me #Shtet💪 #Punë👍 #Mirëqenie😀”.
Kryeministri Rama në fjalën e tij tha se “Ju kujtohet kur thoshte Saliu se kaq ta bëni dhëmbin se reforma në drejtësi nuk kalon dhe erdhen e votuam, më pas thanë Vettingu nuk bëhet të iki Edi Rama dhe Vettingu u bë dhe unë jam këtu. Por, na duhet mbështetja e të gjitheve për Shqipërinë kuqezi. Këtu në 25 qershor nuk punohet për t’i gjetur punën njeriut, por për t’i dhënë punën njeriut”.
Rama në fjalën e tij solli në vëmëndje se Lulzim Basha dhe kur ishte kryetar bashkie flinte gjumë e i kishte ngelur sahati në mes të Tiranës, ndërsa Veliaj punon dhe në fillim rregulloi sahatin. /b.d
