Kryeministri Edi Rama i është drejtuar kryesisë së kuvendit për të takuar kryeparlamentarin Meta, vetëm një ditë përpara seancës plenare, ku pritet që opozita dhe maxhoranca të shpalosin emrat e tyre respektivë për ngritjen e komisionit për reformën zgjedhore.
Besohet se në fokus të diskutimit do të jetë pikërisht pëzgjedhja e emrave për komisionin e posaçëm mbi këtë reformë, që ka zënë dhe peshën kresore të diskutimeve politike këtë mesjavë.
Ditën e djeshme Rama Meta dhe lideri opozitës Lulzim Basha u ulën në një tavolinë, me praninë e abasadorit të SHBA-ve Donald Lu pikërisht në lidhje me nevojën për të patur një reformë në sistemin zgjedhor që do të garantojë zgjedhje të lira dhe të ndershme, duke nisur nga viti i ardhshëm, që shënon dhe mbërritjen në fundin e mandatit për qeverisjen e djathtë.
Dy ditë më parë, kreu grupit parlamentar të PD Edi Paloka i dërgoi një letër kryeparlamentarit Meta, ku i kërkohej që të nisnin procedurat për të ngritur komisionin për reformën, i cili sipas tyre do të duhej të miratohej këtë të enjte nga parlamenti. Në përgjigje, Meta ka dhënë dritën jeshile për këtë propozim, duke thënë se gjithçka do të diskutohet më 28 janar të kësaj të enjte.
