Kryeministri Edi Rama deklaroi sot se procesi i Berlinit është proces historik për rajonin, ndërsa theksoi se tashmë Ballkani nuk shihet më si “fuçia e barutit”.
Gjatë fjalës së tij në forumin Ekonomik shqiptaro-gjerman, kreu i Qeverisë, i shoqëruar dhe nga Kancelarin gjerman Gerhard Schröder, pohoi se shembullin që dhanë për Europën Franca dhe Gjermania, po e japin për rajonin, Shqipëria dhe Serbia. Nga ana tjetër ai i shprehu mirënjohjen e tij dhe qeverisë për kontributin financiar që Gjermania jep në Shqipëri.
“Ne i jemi shumë mirënjohës Gjermanisë edhe për faktin se është angazhuar në një proces për rajonin, si procesi i Berlinit, i përçuar me vullnetin e kancelares Merkel. U bë e mundur që liderët e rajonit janë ulur jo për të bërë sherr, por për të vijuar rrugët e përbashkëta dhe për ndërveprimin përmes infrastrukturës së përbashkët. Padyshim edhe për shkëmbimet e reja mes të rinjve. Kam qenë i bindur se ajo që Franca dhe Gjermania bën për Evropën. Është shembull rrezatues që Shqipëria me Serbinë të bëjë për rajonin. Ne mund t’i japim jetë një Ballkani që nuk është më ‘fuçia e barutit’ në Evropë, por një vend harmonik. E them me kënaqësi që në kuadër të këtij procesi kemi parë frytet e mbështetjes së Gjermanisë, e cila jo vetëm historikisht pas kalimit nga diktatura në demokraci, ka mbështetur Shqipërinë dhe vendet e rajonit. Linja e interkonjeksionit me Kosovën apo fillimi i punës për linjën e lartë me Serbinë, janë shembull kuptimplotë të faktit se Gjermania është një vend që lidh fjalën me veprën. Dua ta vendos theksin tek arsimi profesion, pasi modelin gjerman ne e kemi adaptuar. Dy vitet e fundit ka pasur një shumëfishim spektakolar të vajzave dhe djemve të vijojnë arsimin profesional. Për shumë kohë në të shkuarën përpjekjet e Shqipërisë për të qenë pjesë e BE, janë përshkruar nga një qasje, siç është ajo e shkrimtarit gjerman”, tha Rama.
d.i.
