Kryeminsitri i vendit Edi Rama ka kritikuar qëndrimin që mbajtën disa vende të Bashkimit Evropian për çështjen e emigrantëve. Referuar refuzimit që disa shtete i bënë refugjatëve të luftës, duke ndërtuar edhe mure nëpër kufij, Rama tha se më mirë u sollën vendet që nuk janë pjesë e unionit dhe nuk kanë fuqi aq të amdhe ekonomike.
“Serbia u soll më mirë me emigrantët se disa vende të BE-së.”, tha Rama.
Këtë deklaratë ai e dha gjatë konferencës “Lejet Online të Ndërtimit”, ku përmendi edhe nevojnë e bashkëpunimit mes vendeve të rajonit për fuqizimin ekonomik. Rama tha se rajoni i Ballkanit duhet të bashkëpunojë dhe të rrëzojë barrierat.
“Nuk është BE që na pengon që ne të liberalizojmë me shpejtësi marrëdhëniet tregtare. Që ne të rrezojmë barrierat. Që ne ta kthejmë rajonin otnë në një zonë që funksionon si pjesë e BE.”, tha më tej Rama.
Sa i takon Lejeve të ndërtimit online kryeminsitri tha se janë një hap më shumë përpara që Shqipëria bën, për të shmangur korrupsionin.
/a.m.
