Kryemininistri Rama ka sfiduar sërish Lulzim Bashën, pas akuzave të tij se kullat në Tiranë që po ndërtohen me paratë e drogës, duke i përmendur emrat e katër biznesmenëve vip.
Duke përmendur me emra biznesmenët VIP, që sipas tij janë financues të PD, Rama pyeti Bashën: A janë pastrues të parave të drogës?
“Fole për kullat në Tiranë që po ndërtohen me paratë e drogës. Zamir Mane a është pastrues i parave të drogës? Shefqet Kastrati a është pastrues i parave të drogës? Ramë Geci a është pastrues i parave të drogës? Bashkim Ulaj është pjesë e PPP? Për çudi janë të gjithë mbështetës dhe votues të PD. Këto katër emra janë taksapaguesit më të mëdhenj të Shqipërisë. Këta kanë bërë para kur ti ishe në Holandë. Nuk i pres rrugën dikujt që don të zhvillojë këtë vend. Ngrije kokën dhe më shiko në sy. Mos harro Lulzim, mbi mua dhe ty janë shqiptarët dhe Shqipëria. është skandaloze që del këtu, të ka mbirë droga në gojë, flisni sikur jeni nën efektin e drogës. Për mua thuaj çfarë të duash, por mos cëno Shqipërinë”
Basha deklaroi se nuk i ndan qytetarët në të majtë dhe të djathtë. “Kriminelet këtu janë deputetë, kryetar bashkish, drejtorë të mëdhënj? Kush i bëri? Unë apo ti?”, pyeti Basha kryeministrin
“Nuk i ndaj qytetarët në të majtë dhe të djathtë, por në të ndershëm dhe të pandershëm. Ata që ndaj janë kriminelet dhe trafikantët e drogës. Kriminelet këtu janë deputetë, kryetar bashkish, drejtorë të mëdhënj? Kush i bëri? Unë apo ti? Policia nuk i kap dot, se janë në parlament, në bashki. Shqipëria ka mbetur në vend në procesin e integrimit europian”
Basha foli edhe për Tahirin.
“Katër vjet e quajte ministrin më të suksesshëm, ke katër javë që nuk flet më për të“, tha Basha.
javaneës.al/a.ç
