“Rama përfitues”/ Mos shkarkimi i Metës, Gjikondi: Turp i madh! Nuk di, veç dalja me kallash kishte mbetur

Brizida Gjikondi u shpreh se ishte e suprizuar nga vendimi i Gjykatës Kushtetuese që nuk e shkarkoi presidentin Ilir Meta. Ajo në studion e emisionit “Zona Zero” bëri një autokritikë pasi kishte bindjen se Meta kishte kryer një shkelje të rëndë të Kushtetutës, por që për Gjykatën nuk kishte tillë.

“Është një vendim i marrë në orët e djallit, ku shqiptarët ishin në gjumin e natës. Autokritika që i bëj vetes dhe shqiptarëve, ndoshta 90% e shqiptarëve i gënjeu endja se një pjesë e kësaj politike do të arrinte të ndëshkonte një nga pjesët më të sëmura të sistemit politik. Një person si Rama dhe krahu politik që ka tejkaluar krahun e dëshmorëve të 21 janarit e doli në krah si aleat jam i bindur se do ta tejkalojë. Është një vendim i klasës politike, e jo gjyqtarëve, për arsye e teknike e politike të ngushta për arsye politike të Ramës.

Meta fiton kohë dhe rri gjashtë muaj për president, të krijuar imunitet për të pastruar provat, për të siguruar bizneset e tij. Kurse Rama duke mos pyetur për interesat e ngushtë të shqiptarëve, duke e ditur se një shkarkim i Metës mund të prishte stabilitetin e tij politik përfiton nga situata aktuale”, tha Gjikondi.

Ajo theksoi se është turp i madh që Shqipëria të ketë edhe 6 muaj një president të tillë. “7 gjyqtarët janë 7 produkte të politikës shqiptare, nga Parlamenti e vijnë nga rryma të ndryshme të interesave të politikës shqiptare. Shkelja është skandaloze.  Thirrje për armatosura, sëpata, sfurqe thirrje për prishje të rendit kushtetuese, dekretime e ç’dekretime, nuk e di se çfarë mund të bënte një institucion veç të merrte një kallashnikov. Ne jemi gjithë kohës në tension artificial.

Tani në rast se ka një president që ka degraduar, nuk ka pasur kurrë një president të këtij presidenti, e nuk mbaron personazhi i kriminalizuar dhe në atë sharlatan. Kemi një president antiamerikan dhe simbol të korrupsionit dhe tani Balla thotë se s’ka gjë se edhe 6 muaj e kemi. Do të ishte shumë mirë që të merrnin një mjek psikiatër për të vizituar gjendjen mendore të presidentit pasi dihet se gjendja mendore tregon se është një person anormal se sa normal. Më mirë të lirohen edhe ato shqiptarë nga burgjet që u dënuan për 5 gram hashash derisa Meta u fal nga Gjykata Kushtetuese”, tha Gjikondi.

Ajo shtoi se “më gënjeu mendja se morali kombëtar i disa gjyqtarëve dhe integriteti kushtetues i tyre mund të vendosin”./m.j