Qeveria Shqiptare ka akorduar 100 mijë euro për tragjedinë në Greqi.
Sipas vendimit të Këshillit të Ministrave fondi i ndihmës ndaj Greqisë do shërbejë për lehtësimin e pasojave të shkaktuara nga zjarret masive.
“Lutjet dhe mendimet tona kanë qenë me fqinjët tanë të mirë grekë dhe për shqiptarët që jetojnë atje. Ditët e fundit kanë qenë tmerrësisht tragjike, dhe në shpresojmë që ky kontribut i joni modest, t’u vijë në ndihmë në këto kohë të vështira” – thuhet në njoftimin e qeverisë në Twitter.
Ndërkohë, shefi i qeverisë ka përcjellë një mesazh solidariteti ndaj Athinës:
“Shqipëria ndjehet veçanërisht pranë Greqisë fqinje në këto orë tragjike për ata që humbën të dashurit e tyre dhe po përballen me pasojat e dhimbshme të një zjarri të tërbuar! Qeveria Shqiptare sapo aprovoi një donacion në shenjë solidariteti me vëllezërit e motrat tona” – shkruan Rama.
/b.d
