Kryeministri i Shqipërisë, Edi Rama i ka kërkuar BE fillimin e bisedimeve për hapjen e negociatave, si pjesë e zgjerimit të Ballkanit Perëndimor për të forcuar sigurinë evropiane.
Në një intervistë për Financial Times, Edi Rama thotë se do ishte çmenduri për BE të dështojë të integrojë një vend në epiqendër të rrugëve te emigrimit dhe që shihet nga Rusia me një ‘çmim strategjik’, shkruan javanews
Kryeministri argumentoi se Tirana zyrtare ka luftuar fuqishëm kundër problemeve të drogës dhe korrupsionit në drejtësi, duke e bërë Shqipërinë një kandidat serioz që përmbush ambiciet e Brukselit për shtetet e Ballkanit Perëndimor për të hyrë në vitin 2025.
“Do të ishte shumë e çuditshme nëse Shqipëria nuk do të fillojë menjëherë negociatat, pasi ka bërë saktësisht gjithçka që kërkohet të bëjë“, tha në një intervistë, kryetari i qeverisë, duke theksuar se Serbia dhe Mali i Zi tashmë kanë filluar bisedimet për pranimin në BE .
“Tani, ajo që duam është thjesht të shpërblehemi për atë që kemi bërë – dhe që procesi të jetë i drejtë ”
Rama i bëri thirrje Komisionit Evropian që të rekomandojë hapjen e bisedimeve të pranimit në kohë në mënyrë që krerët e BE ta miratojnë atë në samitin e tyre të qershorit. Ai vuri në dukje rëndësinë e Shqipërisë dhe vendeve fqinjë në uljen e flukseve të emigrantëve në bllok, duke shtuar se interesi dhe ndikimi i Rusisë në Ballkanin Perëndimor – ndonëse ndonjëherë I ekzagjeruar – ishte e vërtetë.
“Moska kurrë nuk heq dorë nga pikëpamja e rëndësisë gjeopolitike të rajonit – e cila nuk shihet nga shumë nga BE, me përjashtim të [kancelarit gjerman] Angela Merkel, – tha Rama, shkruan javaneës
“Është çmenduri të mendosh se Ballkani Perëndimor mund të lihet i anashkaluar më tepër nga Europa”- thotë Rama.
Rama argumentoi se Shqipëria kishte bërë “përparim mahnitës” në shkatërrimin e kultivimit të kanabisit dhe rënien e shkallës së vrasjeve. Ai shtoi se problemet e Shqipërisë me heroinën dhe kokainën nuk ishin “të veçanta” krahasuar me vendet e tjera evropiane.
Rama pranoi se lufta kundër korrupsionit ishte një “luftë e përhershme”.
Kryeministri tha se kishte shpresë për marrëveshje së shpejti me Greqinë për të zgjidhur mosmarrëveshjet mbi ujërat territoriale në detin Jon dhe kompensimin për pronën e çamëve, një pakicë shqiptare muslimane e dëbuar nga Greqia veriperëndimore gjatë luftës së dytë botërore.
“Deri në verë shpresoj se do të gjejmë gjithçka”, tha ai, duke shtuar se vendi i tij dhe Greqia ishin ende teknikisht në luftë, falë një ligji të dytë të luftës botërore. “Pra, 70 vjet histori nuk do të jetë më pengesë për rrugën drejt së ardhmes”.
Përktheu Javanews.al/a.ç
