Kryeminsitri Edi rama ishte i pranishëm në ceremoninë e zhvilluar me rastin e 105-vjetorit të krijimit të Policisë. Gjatë fjalës së mbajtur rama listoi disa arritje të uniformave blu ku theksoi uljen e numrit të vrasjeve gjatë vitit 2017 në nivelin më të ulët pas ’90-ës.
Rama falënderoi gjithë ata punonjës në uniformë që luftojnë përditë me te keqen e atyre “që shkelin ligjin dhe te keqen brenda vetes, që është kërcënim i cdo organizimi dhe një organizimi kaq të rëndësishëm për shtetin si është policia e shtetit”.
“Në vitin 2017 vendi mbylli një plagë të thellë që pati infeksionet që ne njohim, sot në 2018 ne nuk kemi as Lazarat dhe as lazaratër të shpërndarë në trupin e saj. Vjen policia hoqi nga duart e organizatave kriminale mbi 40 mln euro pasuri, ndërkohë që 4 vite më parë kjo shifër nuk kalonte 1 milionë euro. Në 2017 garantoi numrin më të ulët të vrasjeve në historinë e statistikave pas ’90, ndodhën vetëm 50 vrasje, nuk është shifër shumë e ulët, por minimumi historik dhe më shumë se gjysma e 107 vrasje në 2013 dhe 126 në 2012, dhe një shifër më e ulët se shifra e një vendi të BE ku flitet shumë për krimin shqiptar”- tha Rama.
Më tej Rama u ndal te sfidat e policisë. Ai theksoi se sfidë më vete është përzgjedhja e njerëzve të duhur.
“Sfida e policisë është përpjekja për t’u përballur me të keqen. Përzgjedhja në vazhdimësi e njerëzve të duhur është edhe sfida që garanton përballjen e policisë me të keqen jashtë saj, dhe përballjen e policisë me kërcënimin e së keqes brenda saj.; ne jemi krenarë për atë që është bërë në këtë periudhë rilindje të Policisë së Shtetit, pas një situata kaosi dhe braktisje të Policisë së Shtetit para vitit 2013. Gjuha e thatë e rezultateve thotë se në 2017 Shqipëria doli nga harta e vendeve që kultivojnë dhe trafikojnë lëndë narkotike”, tha ai./a.m.
