Vetëm 10 ditë para datës kur do të mbahen zgjedhjet në Kavajë, kryeministri Rama ka zhvilluar një takim me të rinjtë që votojnë për herë të parë në këtë qytetet.
Në fjalën e tij në mitingun e zhvilluar, Rama ka deklaruar se nën qeverisjen e majtë Kavaja u kthye në simbolin e ndryshimit.
“Ky është sheshi simbol i ndryshimeve të mëdha. Pas 25 vitesh braktisje Kavaja doli në shesh për të gjetur Rilindje”, ka thënë Rama.
Ai ka akuzuar qeverinë e mëparshme se e la në harresë këtë qytet dhe se tani kërkon të rikthehet përmes forcës.
“PD asgjë nuk bëri për Kavajën, e la atë pa asnjë mbështetje. Sot duan të kthehen për ta futur Kavajën në konflikt, për të përplasur qytetarët”, ka thënë Rama.
Duke shprehur besimin se, “demokratët e ndershëm nuk do të pranojnë të bëhen mish për topat e kësaj marrëzie”, kreu i qeverisë ka ritheksuar nevojën për votimin e reformës në drejtësi, e bllokuar tek vettingu.
“Drejtësia na duhet për ta bërë Shqipërinë shtet. Për të rritur ekonominë dhe punësimin duhet drejtësi. E drejta nuk blihet e as shitet, ajo na bën njerëz të barabartë në një vend demokratik”, ka thënë Rama.
“Socialistë dhe demokratë kanë Shqipërinë. Socialistë e demokratë duan të pushojnë gjyqtarët e korruptuar nga puna”, tha Rama.
c.a
