Kryeministri Edi Rama ka zhvilluar dëgjesën e radhës me banorë të Vlorës, ku pasi dëgjoi shqetësimet e të pranishmëve tha se duhet “t’i japim çdo zyre dinjitet të merituar nga njerëzit”. Nuk kemi mandat për tu marë me opozitën tha Rama.
“Është një luftë që bëhet nëse çdo njeriu të zakonshëm i jepet aksesi përmes platformës, ta çojë zërin deri tek ministri menjëherë, jo t’i nxihet jeta me muaj e vite derisa të shohë një ministër rrugës. Tek ministri menjehërë, te autoriteti më i lartë kur problemi nuk zgjidhet. Nuk duhet lënë qeveria e re të shkëputet nga populli që i dha votën, do e mbajë lidhur me popullin përmes një koalicioni të madh me njerëzit e zakonshëm të të gjitha shtresave dhe niveleve, të cilët kanë të drejtë të shprehin shqetësimet e tyre”, tha Rama.
Rama theksoi se mandatin e dytë kjo qeveri, e cila arriti të fitonte 74 mandate, e mori për t’i shpallur luftë opozitës reale, që sipas tij janë abuzuesit në administratat shtetërore.
“Ne nuk kemi një mandat për t’u marrë me ata që janë në detyrë të bëjnë opozitën, por për tu marrë me opozitën reale të rrugës tonë për Shqiprinë që duam, që janë parazitët dhe grabitqarët e zyrave të shtetit. S’kemi luftë me opozitën në politikë që mund ta bëjnë me shumë rrugë, ulërima, shpifje. Ne duhet të luftojmë armikun publik nr, 1 të popullit shqiptar. Armiku kryesor është paraziti dhe grabitqari. Luftën s’do e bëjmë këtu me mua. S’do e bëjmë me njëri-tjetrin.”, pohoi Rama.
Kryeministri Edi Rama nuk i ka kursyer ironitë për Vangjel Dulen dhe Nard Ndokën.
Kreu i qeverisë theksoi se qeveria e tij do të krijojë koalicion me qytetarët, ndërsa shtoi se Dule dhe Ndoka s’kanë asgjë më shumë sesa ata që mund të bëhen edhe ministra vetëm e vetëm se lidhin koalicion bashkë.
“Futet në koalicion Vangjel Dulja me Nard Ndokën. E cca kanë ata më shumë se ju? Futen në koalicione dhe bëhen ministra. Pse mos të futeni ju në koalicion?”, tha ai.
a.ç
