• Kontakt
  • Kreu
  • Rreth Nesh
Sunday, November 8, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Kurti po i ofron “ujë në shoshë” opozitës

by Mero Baze
04/10/2026 18:39
Shperndaj ne FacebookShperndaj ne Twitter

Në kulmin e një krize të pashoqe dyvjeçare, kur Albin Kurti nuk formon dot qeverinë dhe nuk zgjedh dot presidentin, ai ka mundur të gjejë një zgjidhje perverse, e cila bashkon naivitetin e opozitës dhe djallëzinë e tij për një çështje të ndjeshme popullore, që ka lidhje me dënimin e katër udhëheqësve të lartë të UÇK-së nga Gjykata Speciale.

Ai ka rënë dakord që në seancën e ditës së hënë të shqyrtohet një projektligj për Gjykatën Speciale, i cili vendos kufizime të rëndësishme në veprimtarinë e mëtejshme të Gjykatës, por, në thelb, nuk ka asnjë garanci se zhbën dënimet e udhëheqësve të UÇK-së. Përkundrazi, e fut edhe më tej Kosovën në spiralen e konfliktit me Perëndimin, çka është edhe një tipar i identitetit politik të Albin Kurtit.

PDK-ja ka një interes të drejtpërdrejtë politik dhe emocional në çështjen e Speciales. Ish-drejtuesit kryesorë të saj dhe të UÇK-së janë gjykuar në Hagë dhe ndryshimi i ligjit paraqitet si një përpjekje për të korrigjuar atë që PDK-ja e konsideron tejkalim të mandatit të Gjykatës. Për këtë arsye, mbështetja e Kurtit për nismën mund të shitet si një koncesion i madh ndaj PDK-së.

Por, nëse shihet më me kujdes, mund të jetë pikërisht e kundërta.

Kurti mund të marrë prej kësaj marrëveshjeje atë që i duhet menjëherë, rrugëdaljen nga kriza e zgjedhjes së presidentit. Kurse PDK-ja, nga ana tjetër, merr “ujë në shoshë”, siç i thonë në Shqipëri kur dikush është i etur dhe kërkon ujë nga kundërshtari. Në vend të një gote të mbushur, ai të ofron ujë në një enë të shpuar, prej së cilës asgjë nuk mbërrin në buzët e tua.

Ligji nr. 05/L-053 prek drejtpërdrejt juridiksionin e Dhomave të Specializuara, dënimet, apelimin dhe ekzekutimin e vendimeve, por Gjykata Speciale nuk është krijuar vetëm me një ligj të zakonshëm të Kuvendit të Kosovës. Arkitektura e saj mbështetet mbi ndryshimet kushtetuese të vitit 2015 dhe mbi angazhimet ndërkombëtare që Kosova ka marrë ndaj Bashkimit Evropian. Për këtë arsye, ndryshimi i ligjit nuk do të thotë domosdoshmërisht ndryshim efektiv i mandatit të Gjykatës.

Këtu qëndron kurthi politik.

Nëse ndryshimet miratohen dhe më pas përballen me kundërshtimin e BE-së, me një kontroll kushtetues ose me pamundësinë juridike për të prodhuar efekte mbi proceset në Hagë, Kurti mund të thotë se ai e mbështeti nismën. Përplasja politike me partnerët ndërkombëtarë dhe zhgënjimi për mungesën e rezultateve konkrete do t’i mbeten kryesisht PDK-së.

Albin Kurti po i jep opozitës një votë për një ligj, por jo domosdoshmërisht rezultatin që PDK-ja kërkon prej atij ligji. Pas kësaj, Albin Kurti është i larë dhe luftën që ka drejtuar vetë kundër Perëndimit, qyshkurse ka ardhur në pushtet, ua delegon prej nesër e tutje kundërshtarëve të tij, duke larë duart si Pilati.

Kurti e zhvendos PDK-në nga pozita e opozitës në pozitën e bashkëpërgjegjëses për një vendim të madh shtetëror. Deri dje, PDK-ja mund ta kritikonte qeverinë për marrëdhëniet me aleatët perëndimorë. Pas miratimit të një ligji që prek një prej angazhimeve më të ndjeshme ndërkombëtare të Kosovës, ajo vetë mund të gjendet në qendër të debatit me Bashkimin Evropian.

Kjo është dhe pjesa më tinëzare e marrëveshjes. Albin Kurti hyn në këtë betejë me një rezultat të sigurt për veten, ndërsa opozita bëhet pjesë e një mekanizmi që i ngarkon asaj mëkatet e Albin Kurtit.

Katër udhëheqësit e UÇK-së e miratuan Gjykatën Speciale me vetëdijen se kjo do të kishte pasoja. Ajo që ndodhi me ta është një shtazëri e gjyqtarëve dhe prokurorëve të Hagës, e cila nuk ka shanse të zhbëhet nga nisma populiste e Kuvendit të Kosovës. E vetmja gjë që mund të bëjë kjo nismë është ta ulë edhe më tej reputacionin e Kosovës në Perëndim dhe t’i shërbejë kauzës së Albin Kurtit për t’u bërë i gjithëpushtetshëm në Kosovë dhe i armatosur edhe me opozitën kundër Perëndimit.

Mekanizmi për të liruar në të ardhmen katër udhëheqësit e UÇK-së është një betejë e fortë ligjore në apel dhe një lobim më i fuqishëm ndërkombëtar në Perëndim, te faktorët politikë që ndikojnë mbi Gjykatën Speciale. Karshillëku populist i Kuvendit të Kosovës e lë Kosovën edhe pa opozitë, edhe me krerët e UÇK-së në burg, duke e thelluar përplasjen me Perëndimin.

Mënyra se si katër udhëheqësit e UÇK-së kanë mbërritur në Hagë dhe i kanë qëndruar përballjes me drejtësinë është shembullore dhe u ka bërë nder atyre dhe Kosovës. Beteja ende nuk ka mbaruar, por gjyqi provoi se Kosova nuk ka kryer krime kundër njerëzimit dhe broçkullat e Dick Martyt për transplant organesh janë hedhur në kosh të plehrave.

Të hënën në Parlament, Kosova nuk ka për të fituar asgjë më shumë sesa armiqësinë e Gjykatës dhe të Perëndimit, duke u shfaqur si një shtet i papjekur që shkel marrëveshjet e tij me Perëndimin. Ndërsa brenda vendit do ta humbasë përfundimisht opozitën, duke e kthyer Albin Kurtin në një udhëheqës të plotfuqishëm, i cili tani ka edhe disa opozitarë si musketierë kundër Perëndimit, pasi u ka ofruar një gotë me ujë në shoshë për të shuar zemërimin e tyre me Gjykatën Speciale.

Next Post
Telefonata që mobilizoi autoritetet greke, alarm i rremë për bombë në Parlament -

Telefonata që mobilizoi autoritetet greke, alarm i rremë për bombë në Parlament -

Comments 1

  1. Nokiq Nokiloviq Nokishiq says:
    1 month ago

    Pa përjashtim, të gjithë kosovarët, e të gjithë krahëve politikë, në vënd të truve, kanë KOQE.
    Prandaj quhen KOQEVARË.

    Reply

Leave a Reply Cancel reply

Your email address will not be published. Required fields are marked *

TË FUNDIT

Drejtuesit politik të PS, Andoni: PD në Fier e ka të vështirë! Me kandidimin jashtë liste, Rama i dha një mësim opozitës

Etnografia absurde e komunikimit Rama-Berisha?!

November 7, 2026
Sherr mes dy grupeve në Vlorë, policia qëllon me armë në ajër për të ndaluar një prej tyre! Shoqërohen të gjithë në Komisariat, s’ka të lënduar

Sherr mes dy grupeve në Vlorë, policia qëllon me armë në ajër për të ndaluar një prej tyre! Shoqërohen të gjithë në Komisariat, s’ka të lënduar

November 7, 2026
Një skandal dhe kapërcim shumë i madh ligjor, etik dhe deantologjik nga prokurorët Dado dhe Dumani

Pa popull me vete dhe shih si zihen…

November 7, 2026
“Të bashkohemi pavarësisht kundërshtive”- Berisha thirrje partive opozitare: E keqja e ka emrin Rama! Studentët dhe qytetarët…

“Të bashkohemi pavarësisht kundërshtive”- Berisha thirrje partive opozitare: E keqja e ka emrin Rama! Studentët dhe qytetarët…

November 7, 2026
“Pesë persona në spital, u tremba se…”- Zjarri në Lezhë, administratori i pallatit: Flakët nisën nga kati i parë, zjarrfikësit erdhën në kohë!

“Pesë persona në spital, u tremba se…”- Zjarri në Lezhë, administratori i pallatit: Flakët nisën nga kati i parë, zjarrfikësit erdhën në kohë!

November 7, 2026
“Nuk ka krim më të shëmtuar, e la vendin pa opozitë”- Avokati Beqiri: Berisha po saboton hyrjen e Shqipërisë në BE!

“Nuk ka krim më të shëmtuar, e la vendin pa opozitë”- Avokati Beqiri: Berisha po saboton hyrjen e Shqipërisë në BE!

November 7, 2026
Superliga/ Tirana fitore në “frymën e fundit” ndaj Teutës!

Superliga/ Tirana fitore në “frymën e fundit” ndaj Teutës!

November 7, 2026
“PD është kthyer në sekt berishian”- Meçe: Nuk mbledh dot as 500 vetë për të protestuar! Agjentura ruse pas dhunës në shesh

“PD është kthyer në sekt berishian”- Meçe: Nuk mbledh dot as 500 vetë për të protestuar! Agjentura ruse pas dhunës në shesh

November 7, 2026
“Islami radikal po copëton Evropën”- Netanyahu sulmon partitë arabe: Një qeveri e varur nga mbështetësit e terrorizmit do shkatërrojë Izraelin

“Islami radikal po copëton Evropën”- Netanyahu sulmon partitë arabe: Një qeveri e varur nga mbështetësit e terrorizmit do shkatërrojë Izraelin

November 7, 2026
“Mbetet krenari”- U la jashtë listës së Kombëtares, reagon Anis Mehmeti: Dua të sqaroj disa gjëra të pavërteta!

“Mbetet krenari”- U la jashtë listës së Kombëtares, reagon Anis Mehmeti: Dua të sqaroj disa gjëra të pavërteta!

November 7, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In