Nuk i ndahet Kryeministri, Edi Rama kryetares se LSI. Ai e ka ironizuar Monika Kryemadhin, e cila në një deklaratë për mediat fliste për shifra aritmetike tek “Unaza e Re”.
“Ai momenti kur Doktorresha i’a kalon Artistit në aritmetikë (se në gramatikë s’ka konkurent)🤣🤣”, shkruan Rama në postin e shpërndarë në rrjetin social “Instagram”.
Ndërkohë i menjëhershëm ka qenë reagimi i kryetares së LSI-së, e cila shkruan se memet e postuara në rrjet nga Rama janë bajate dhe që bëjnë të qeshin vetëm oborrin e vet.
“Mirë aritmetikën, që e ke mbyllur në klasë të katërt fillore, por të paktën gramatikën ta kishe shfletuar ndonjëherë…P.s: …dhe mos u përpiq të konkurrosh rininë me meme, je shumë i vjetër dhe me humor bajat, që bën për të qeshur vetëm oborrin tënd.”, shkruan Kryemadhi.
