e-Albania 2.0 është platforma më e re e cila do të mundësojë përdorim më të lehtë për qytetarët, përfshi edhe për personat me aftrësi të kufizuar.
Lajmi është bërë me dije nga kryeministri Edi Rama i cili e konsideron këtë platform si një hap të ri në transformimin digjital të shërbimeve publike në vend. Me një postim në rrjetin social Facebook., të cilin e shoqëron dhe me videon ilustruese, kryeministri deklaron se kjo platformë është e ndërtuar me një teknologji të avancuar dhe me standard modern të performancës, me qëllim ofrimin e një eksperience më te shpejtë për qytetarët dhe bizneset.
“e-Albania 2.0. Një hap i ri në transformimin digjital të shërbimeve publike në Shqipëri
Platforma e re vjen e ridizenjuar mbi një infrastrukturë tërësisht të modernizuar, për të ofruar një eksperiencë më të shpejtë për qytetarët dhe bizneset. E ndërtuar me teknologji të avancuara dhe standarde moderne të performancës, e-Albania 2.0, platforma sjell një nivel të ri aksesueshmërie dhe gjithëpërfshirjeje, duke mundësuar përdorim më të lehtë edhe për personat me aftësi të kufizuara, në funksion të një shërbimi publik digjital pa barriera dhe të barabartë për të gjithë”, shkruan Rama në rrjetin social Facebook.
