Kryeministri Edi Rama në Shkodër u ka kërkuar qytetarëve ta mbështesin, pasi sipas tij nëse PS fiton dhe në këtë qytetar do të lajë borxhet e qeverive të shkuara.
Ai tha se Shkodra nuk është mbështetur nga qeveritë e mëparshme dhe hodhi akuza kundër bashkisë Shkodër duke thënë se ka bllokuar projektet.
“Nëse doni që të lajme borxhet që kemi, tonat dhe atyre janë jepni mbështetje. Për të ndihmuar Shkodrën ne kemi ardhur rrotull kufirit nga një bashki qorre, një bashki që po shkon qorrazi drejt së ardhmes“, tha Rama.
Më tej Rama tha se Bashkia Shkodër nuk mbledh plehrat dhe nuk ka bërë asnjë investim.
“Nuk i prishet fare terezia asaj kryetares së bashkisë, në Shkodër nuk mblidhen plehrat. Është qyteti më i pistë. Është qyteti që ka më shumë gropa. Është qyteti që ka mbetur në vend dhe nuk shikon asnjë ndryshim“, shtoi kreu i PS.
Por Rama pati dhe një ndjesë për qytetarët shkodran, duke thënë se PS nuk ka qenë në lartësinë e duhur për të kandiduar më të mirët.
“Ne këtu jemi të vetëdijshëm që nuk kemi qenë në lartësinë atyre shkodranëve që duan ta ndryshojnë Shkodrën. Ne nuk kemi pasur një ofertë që është e pakundërshtueshme. Por besoj se këtë herë kemi sjell këtu njerëzit e duhur për të bërë gjërat e duhura“, tha Rama./ b.h
