Kryeministri Edi Rama ka shpalosur nga Roskoveci, në Qarkun e Fierit, programin qeverisës për 4-vjeçarin e ardhshëm.
Rama u shpreh se mandatin e ardhshëm qeveria e PS do rrisë pagat me 40%, ndërsa rrogat minimale nuk do jenë nën 30 mijë lekë.
“Jemi të bindur se mund ta çojmë ekonominë tonë mbi 5.5 përqind, nëse na e jepni timonin e reformave pa na vënë të tjerë në prehër.
Rroga minimale do jetë 30 mijë lekë të reja. Si dhe do rrisim pensionet çdo vit.
Na jepni votën në 25 qershor të bëjmë për Roskovecin dhe gjithë Shqipërinë katër herë më shumë sa kemi bërë këto 44 muaj”, deklaroi Rama.
Kreu i qeverisë iu kthye edhe sulmeve në adresë të partive të vogla. Ai kërkoi votën për PS-në, në mënyrë që partitë e vogla që të mos kenë asnjë mundësi të kontrollojnë dhe abuzojnë me pushtetin.
“Mos i lejoni partitë e tepsisë që t’i fusin fusin duart tek mësuesit e fëmijëve tuaj.
Në 25 qershor një votë edhe më e fuqishme e PS do bëjë që në 4 vitet e ardhshme të bëjmë 4-fishin e këtyre që bëmë në 44 muaj.
Është e qartë se çka kemi bërë është mjaftë për të kuptuar se e vetmja forcë që bënë punë, është PS. Do ju heqim nga qafa drejtuesit nga Hipotekat, patentat.
Ndaj, mos ja jepni votat e tyre që merren me votën tuaj”, tha Rama. /b.d
