Kryeministri Edi Rama gjatë qëndrimit të tij në Shtetet e Bashkuara të Amerikës, u ka bërë thirrjeve të gjitha vendeve aleate që terrorizmin, kërkohet që ta luftojmë të gjithë së bashku. Në takimin e nivelit të lartë, “Harmonia Sociale për Zhvillim të Qëndrueshëm: Promovimi i mirëkuptimit dhe respektit në kohën e intolerancës”, nismë e iniciuar nga Shqipëria, Kryeministri Rama tha se terrorizmi duhet luftuar por duke mos hequr dorë nga vlerat tona të shenjta.
Kësaj nisme iu bashkua Jordania dhe Vatikani, dhe të pranishëm ishin Zëvendës Kryeministri dhe Ministri i Punëve të Jashtme i Mbretërisë së Jordanisë, Nasser Judeh, Kryeipeshkvi Paul R. Gallagher, Sekretar i Marrëdhënieve me Shtetet i Selisë së Shenjtë etj.
Rama evidentoi se vendi ynë është një model në bashkekzistencën paqësore dhe një vend i vëllazërisë fetare, por historia e Shqipërisë ka treguar se kemi ditur gjithnjë te ndërtojmë mbi të përbashkëtat dhe të respektojmë ndryshimet për sa i përket besimit fetar.
Ministri Bushati nënvizoi se historia e Shqipërisë dëshmon se nuk ekzistojnë pengesa në zhvillimin e një dialogu dhe komunikimi; ajo demonstron qartë një bashkëjetesë në paqe dhe harmoni, në një atmosferë respekti dhe besimi reciprok.
