Një tjetër person i shumëkërkuar nga Policia e Shtetit është arrestuar ditën e sotme. Në kuadër të operacionit të koduar “Bjeshkët”, zhvilluar nga FNSH dhe Drejtoria e Policisë Shkodër është i mundur arrestimi i Gjin Gjurit 38 vjeç.
Siç bën të ditur policia, 38 vjeçari është personi i cili shkëmbeu zjarr me policinë për të mbrojtur parcelat me kanabis në Dukagjin, në Shtator të këtij viti.
Nga verifikimet e kryera rezulton se Gjuri është i dënuar me 7 vite e 2 muaj burg për akuzat e “Armëmbajtjes pa leje” dhe “Kanosjes”.
