Juventusi nuk po arrin të gjejë veten si në lojë ashtu edhe në rezultate duke u zhytur gjithmonë e më shumë në krizë. Bardhezinjtë janë mposhtur edhe nga Napoli në supersfidën e djeshme me rezultatin 2-1.
Golat për Napolin u shënuan, nga Insigne dhe Higuain, ndërsa për skuadrën e Allegrit shënoi mesfushori francez i ardhur këtë verë në Torino, Mario Lemina.
Kjo është humbja e tretë këtë edicion për Juven pas 6 javësh kampionat. Në këtë mënyrë Zonja e Vjetër mbetet në kuotën e 5 pikëve, duke shënuar kështu startin më të keq në historinë e saj.
