Këto janë pamjet e aksionit policor “Ndalesa” që kishte për qëllim goditjen e veprimtarive kriminale në fushën e narkotikëve dhe të armëmbajtjes pa leje.
Për këtë arsye janë sekuestruar 10 kilogramë kanabis, dy armë zjarri, dy silenciatorë dhe municion luftarak. Ndërsa në pranga ka rënë një 42-vjeçar.
Ai u kap në flagrancë teksa lëvizte në Unazën e Madhe duke transportuar drogën.
“42-vjeçari u ndalua nga shërbimet e Policisë, në Unazë të Madhe, duke qarkulluar me një automjet, në të cilin gjatë kontrollit u gjetën, në total, 10 kg lëndë e dyshuar narkotike kanabis, që dyshohet se e posedonte me qëllim shitjen. Më tej, gjatë kontrollit të banesës së tij, iu gjetën dhe sekuestruan 2 armë zjarri pistoletë, 2 silenciator dhe municion luftarak”, njoftoi policia.
