Kryeministri Edi Rama, në intervistë për programin @agorarai të Rai3, ka rishprehur objektivin e Shqipërisë për anëtarësimin në BE.
“Duam të hyjmë me çdo kusht në Bashkimin Evropian, kjo mbetet ëndrra jonë”, ka deklaruar Rama, transmeton TEMA.
Duke folur “për Shqipërinë që ndryshon përditë”, Rama ka theksuar se, sot vendi ynë është bërë një terren tërheqës për bizneset italiane.
Nga ana tjetër, “sot, rreth 40 mijë shqiptarë paguajnë Thesarin italian”, ka nënvizuar ai.
I pyetur për korrupsionin, shefi i qeverisë shqiptare ka vlerësuar se, “tek evazioni fiskal qëndron pasuria që humbet çdo ditë”, shkruan TEMA.
Ndërsa duke iu përgjigjur pyetjeve për emigracionin, Rama ka thënë: “Italia e ka harruar kohën kur gjyshërit e saj shkonin në Amerikë”.
