Pas Korçës, kryeministri Rama dhe kryetari i Kuvendit Meta kanë prezantuar kandidatin e ASHE për Maliqin, Gëzim Topçiu.
Në fjalën e tij kryeministri theksoi se nuk duhet të lëjojmë SHQUP-in që të na marrin për budallenj. Sipas Ramës, ato që thotë opozita janë një avaz i vjetër për të khtyer taksën e sheshtë.
“SHQUP-i nuk duhet lejuar të marë askënd për budalla. Këta bëjnë fushatë se do rrisin rrogat e pensionet, kush do ta bëjë këtë kryetari i bashkisë.
Bëjnë fushatë duke thënë se do kthejmë prap taksën e sheshtë dhe këtë për të futur duart në xhepat e mësuesit, infermierët të cilët kanë një rrogë shumë të ulët.
Ofertë e re avaz i vjetër, se nuk kanë avaz tjetër. Ne jemi dy parti në partneritet politik, por jemi një koalicion që shkon përtej gardheve politike dhe kemi detyrimin tju themi të gjithë demokratëve edhe atyre që nuk ndahen dot nga shkopi i SHQUPIT sepse kemi të drjtën të marim votën e të gjithëve”, u shpreh Rama.
Kryeministri nuk la pa përmendur as faktin se Maliqi ëshët zonë që nuk ka marrë kurrë asnjë investim nga PD/.
“Ky është një terren ku nuk është bërë asnjë reformë dhe janë shpërndarë vetëm lëmosha për ti mbajtur këta njerëz peng, duke i lënë në mjerim.
Ne do ta kthejmë këtë zonë në drejtimin e duhur. Është e papranueshme që kjo pasuri të mos kthehet në fitim, në para për banorët e kësaj zone që të ushqehen e të mbajnë familjet e tyre.
Në 21 qershorë ne do të fuqizohemi shumë sepse në çdo zonë do të kemi partnerët tanë që do të punojnë për të bërë ndryshimin e madh në fshat.
Bashkitë e reja do të administrojnë dhe do të mundësojë funksionimin e të gjitha kanaleve ujitëse. Vota e 21 qershorit është votë për shtëpitë tuaja.
Është votë që mundëson më shumë shkolla, çerdhe , më shumë mundësi , hapësira, kushte për tu shlodhur për të moshuarit, për më shumë pun, më shumë ujë të pijshëm e një transport normal dhe përgjigja është Gëzim Topçiu.
Këta janë njerëz që kanë mësuar se çështë puna, që ta bësh çdo gjë me punë, se puna është ajo që të nxjerr nga kushte të vështira në kushte më të mira”, tha Rama.
