Opozita ka frikë nga ballafaqimi me votë. Kështu u shpreh Edi Rama në Kurbin teksa prezantoi kandidaten Majlinda Cara.
Kryeministri u shpreh se zgjedhjet janë demokratike për aq kohë sa opozita nuk u pengua, por e braktisi vetë 30 Qershorin.
“Imagjinoni një moment sikur ne t’i shtynim zgjedhjet për hir të opozitës që nuk merr pjesë. Pas disa kohësh do të dilnin parti të tjera e do kërkonin shtyerje pafundësisht. Por shoqëria nuk funksionon me parimin ‘hapi rrugë budallait’. ” – tha Rama.
Rama tha se opozita do të tkurret gjithënjë e më shumë.
Plaku që i mban lidhur ata si kokrrat e tepsijeve nxorri një video sikur dy protestues ishin rrahur nga policia. Në fakt babë e bir ishin masakruar nga huliganët me shkopa hekurit në mes të protestës” – tha kryeministri në Kurbin, referuar protestës së djeshme.
Ai shtoi se opozita është dembele dhe se iu është dhënë rasti dy herë ta drejtojnë Shqipërinë.
“Ata nuk e duan punën. Dy herë që iu dha rasti ta drejtojnë vendin e lanë më keq sesa e gjetën” – tha Rama.
Ai u shpreh se drejtësia e re që po ndërtohet nuk do të jetë më një mall që shitet e blihet. Kryeministri shtoi se opozita e drejtuar nga Basha kërkon rrëmujë dhe pushtet që të përmbysë pikërisht reformën në drejtësi.
/a.rada
