Kryeminsitri i vendit ishte i pranishëm në Kongresin e partisë për Drejtëi Integrim dhe Unitet ku mbajti një fjalim të gjatë. Një pjesë të fjalimit e zuri çështja çame, për të cilën Rama theksoi se duhet të jemi të bashkuar përmes patriotizmit modern, dhe jo garës së miteve.
“Le të integrohemi mes nesh sepse kjo është rruga e Bashkimit Kombëtar. Më shumë se sa një deklaratë për bashkimin kombëtar vlen bashkimi i hapësirës për të dhënë dhe për të marrë ekonomikisht. Jam i kënaqur që ndodhem në një grupim të lindur Çam, por të zhvilluar tej kësaj partie. Gara me mitet nuk i ka sjellë asgjë të mirë mes fqinjësisë mes vendeve popujve, gara se kush i ka më të mëdhenj heronjtë e së shkuarës, është një garë që i takon sëshkuarës, gara me mitet asgjë të mirë fqinjësisë e komuniteteve. Gara me mitet i takon së shkuarës. Vendit i duhet patriotizëm modern, patriotizëm që merr energji nga kombëtarja e që shumëfishohet nga heqja e barrierave mes shqiptarëve. Një patritotizëm që i shërben për mirë vendit. Interesi kombëtar jo një interes pathosi. Interesi kombëtar një sinergji pozitive që duhet të na bashkojë”, tha Rama.
Më pas ai shigjetoi me batuta fqinjët grekë sa i përket çështjes çame. “Altarin e tij të parë, Zeusi e pati në shpatet e Çamërisë…shpresoj që të mos ma marrin për keq fqinjët tanë se Zeusi është çam”, tha Rama.
Kryeminsitri i’u përgjigj edhe kritikave të Shpëtim Idrizit i cili përsëriti edhe kërkesën për përfshirjen në qeveri të PDIU-së. po ashtu Rama kujtoi angazhimin e tij dhe të partisë që drejton për çështjen çame.
“Shpëtimi ishte dashmirësisht kritik ndaj meje, dhe e bëri këtu në pallatin e sportit ku ka qenë koshi i basketbollit. Unë kam qenë basketbollist, dhe koshi goditet nga ai që është më i madhi, në politikë goditet më i madhi, dhe gjuajtjet e Shpëtimit janë të mirëseardhura, ndoshta kanë efektin që të më bëjnë të mos kënaqem me gjatësinë time. Falenderoi shpëtimin që foli aq gjatë se nuk do ankohet njeri për mua që fola më gjatë. Unë jam kryetari i parë i një partie të madhe që çështjen çame e futi të bardhën mbi të zezë. Unë jam kryetari i parë i një partie që me të gjithë fqinjët jam përpjekur të vendos reciprocitet në marrëdhëniet tona”, tha Rama./a.m.
