Aleanca për Shqipërinë Evropiane ka vijuar turin e saj të prezantimeve të kandidatëve për zgjedhjet vendore të 21 qershorit, teksa ndalesa e radhës ishte në Kolonjë dhe Devoll. Ashtu sikurse është bërë e udhës tashmë në këtë fushatë paraelektorale, kryeministri Edi Rama nuk kurseu akuzat ndaj kampit kundërshtar politik. Në fjalën e tij Rama tha se ndryshimi ndërmjet mazhorancës dhe opozitës është në faktin se ata duan sherr, e ndërsa e majta zgjidhje dhe mbështetje për qytetarët. “Ka një ndryshim të madh mes nesh dhe koalicionit të PD-së. Ata duan vetëm luftë, sherr, konflikt, sharje, shpifje, baltë, rrëmujë, rrumpallë. Kurse ne duam që në këto zgjedhje, populli t’i japë mbështetje kandidatëve që ne kemi zgjedhur, në mënyrë që së bashku me ta, ne, investimin tuaj me votë ta kthejmë në punë, punë dhe vetëm punë. SHQUP¬i thotë se ka një ofertë të re, por ajo nuk është gjë tjetër veç avazit të vjetër, që të kthehemi përsëri tek taksa e sheshtë, të kthehemi përsëri tek anarkia me energjinë elektrike, të kthehemi përsëri matanë 23 Qershorit të 2013¬ s. Ndërkohë që vendimi sovran i popullit më 23 Qershor është “mjaft me atë avaz të vjetër, është koha për të ecurmë shpejt drejt rilindjes”. tha kryeministri Rama Teksa prezantoi kandidatin e Kolonjës Arben Malo, Rama tha se akuzoi kandidatin e PD, Viktor Duro si një nga përgjegjësit e shkatërrimit që i është bërë pasurisë së kësaj zone. Rama theksoi se duhet të jetë shumë e qartë se Arben Malo nuk është kandidat i LSI¬-së, por është kandidat i PS-¬së dhe i LSI¬-së. “Në këtë bashki nuk ka garë, sepse s’mund të ketë garë midis kandidatit të mbështetur nga ne dhe një “pyjengrënësi” që ka sjellë këtu SHQUP¬i. Unë kam besim se jo vetëm socialistët, të angazhuar në të dy partitë tona, por të gjithë kolonjarët duhet ta refuzojnë këtë lloj propozimi. Edhe demokratët e Kolonjës duhet të votojnë Arben Malon, për të bërë punë për Kolonjën”, tha ai. Ndërsa gjatë prezantimit të kandidatit për bashkinë e Devollit, Arben Qaja, ishte Kreu i LSI¬-së Ilir Meta, i cili kërkoi votën e qytetarëve për një transformim rrënjësor. “Devolli i Dritëroit meriton më shumë. Votoni Qajen që të përjetohet transformim rrënjësor. Të zhvillojmë projekte punësimi. Të rritet prodhimtaria e fushës së Devollit”, tha kreu i LSI¬së. Ndërkohë kryeministri Edi Rama tha gjatë prezantimit të Qajas se në Devoll është shumë e prekshme pamja e rrënimit prej vitesh, duke akuzuar kreun aktual të Bashkisë së Bilishtit se nuk ka sjellë projekte. “Këtu prekim po atë pamje të rrënimit prej vitesh. Një shesh një udhëkryq mes rrënojave. Në 18 muaj kreu i bashkisë Bilisht nuk ka sjellë projekte. Asnjë kryetar i bashkisë nga PD nuk ka sjellë asnjë projekt, zero. Vota për problemet që lidhin familjet me bashkinë”, tha kryeministri.
Rama në Kolonjë e Devoll: E vetmja ofertë e PD, shkatërrimi dhe anarkia
