Një tjetër kryetar komune është ndaluar nga policia, por këtë radhë jo për ndërtime pa leje, por për armëmbajtje pa leje. Bëhet fjalë për kreun e komunës Kaçinar të Mirditës Petrit Bardhi i cili është shoqëruar në policinë e Tiranës për armëmbajtje pa leje.
Nga ana e tij kryekomunari ka deklaruar se armën e ka për shkak të detyrës dhe se nuk është pa leje. Ai tha se arrestimi është arbitrar dhe policia nuk ka pranuar shpjegime nga ana e tij.
“Armën e kam si kryetar i komunës, nuk është pa leje. E kam me leje, kam dokumente që e vërtetojnë”, ka deklaruar Bardhi.
Me gjithë pretendimin e Bardhit, ndoshta ai duhet të dijë se të jesh kryetar komune nuk do të thotë të lëvizësh i armatosur, vetëm nëse ke konflikte me njerëz, por edhe në atë rast ka polici.
Mbante armë pa leje, shoqërohet në polici kryekomunari i Kaçinarit
TË FUNDIT
