Kryeminstri Edi Rama ka vijuar fushatën elektorale këtë të diel në Gjirokastër.
Referuar tentativës për t’i zënë rrugën, ai ironizoi organizatorës.
“Dasho i Lazaratit me 20 vetë dhe Tritan Shehun janë bërë si ato enveristët në vitin 1991 që nuk e kuptonin se bota ishte përmbysur dhe bënin antimitingje” – tha kryeministri.
Ai nuk kurse sulmet as ndaj LSI-së, parti kjo që drejton Bashkinë e Gjirokastrës.
“Duhet të jeni të bindur se ka ardhur koha që ata të mbeten rrugëve dhe të mo u jepet asnjë mundësi e vetme për t’u shpërblyer në asnjë formë. Sepse i hynë një rruge të tillë” – tha kreu i mazhorancës.
Rama u shpreh se është krijuar ideja se socialistët janë njerëz të butë dhe nuk e përballojnë dot konfliktin.
“Në të shkuarën nuk është se nuk u ka dalë me sukses, por koha kur socialistët i hapnin rrugë budallait ka mbaruar. Partia Socialiste nuk do t’i hapë kurrë rrugë çetave që duan të marrin peng politikën dhe vendin” – tha Rama
