Pas takimit të tij me Presidentin e krahut të majtë në Parlamentin Europian Gianni Pittela, Kryeministri Edi Rama tha se është dakortësuar se viti i ardhshëm do të jetë dhe viti i hapjes së negociatave për anëtarësimin e Shqipërisë në Bashkimin Europian. Të njëjtin mesazh ka përcjellë dhe Pittela, i cili ka theksuar se viti 2016 duhet të jetë viti i hapjes së negociatave të Shqipërisë drejt rrugës për në BE. Sipas Pittelës, viti 2019 mund të jetë dhe koha kur Shqipëria do të shohë veten në BE.
“Nga ana tjetër, ne jemi plotësisht dakort, të paktën në këtë spektër politik të Europës, që viti ardhshëm do të jetë viti i hapjes së negociatave për anëtarësim të Shqipërisë, bazuar në të gjithë ecurinë e qeverisë shqiptare, për të çuar përpara një proces të gjerë reformash shtetndërtuese”.- tha Rama.Në lidhje me reformën në drejtësi Rama falenderoi misionin e BE dhe asistencën e saj. Rama theksoi se pret me padurim dhe njëkohësisht i qetë raportin e Komisionit të Venecias në lidhje me draftin për reformën në drejtësi.
“Folëm për refomën kyçe të drejtësisë ku gjeta rastin të falenderoj përzemërsisht misionin e BE si pjesë e grupit të gjerë të ekspertëve, për rolin e posaçëm në hartimin e paketës së kësaj reforme rrënjësore. Tanimë paketa është në duart e Komisionit të Venecias. Presim me qetësi dhe me paduri reagimin e Komisionit përmes raportit të tij.”- tha Rama
Kryeministri Rama tha se pavarësisht se Shqipëria nuk është pjesë direkte e planit në lidhje me flukset e emigrantëve, ajo është e gatshme të marrë përgjegjësitë e saj për të ndihmuar BE për menaxhimin e kësaj krize.
“Sigurisht që folëm edhe për krizën dramatike të refugjatëve që me flukse të paimagjinuara deri pak kohë më parë, braktisin shtëpitë e tyre nga luftërat e konfliktet e përgjagjkshme dhe drejtohen për në europë, me synimin për të shkuar në Gjermani. Jam shumë mirënjohës për qartësinë me të cilën miqtë tanë dhe Pittela nënvizuan në lidhje me rolin që po luan Ballkani në këtë krizë dhe përgjegjshmërinë e tyre për të ndarë përgjegjësitë në përballimin e kësaj krize.
Siç e kam theksuar edhe në samitin e lidervë që u mblodh me emergjencë, e ritheksoj edhe sot, se Shqipëria pavarësisht se nuk është pjesë e korridorit është e përgatitur që të marrë përgjegjësinë e saj dhe të luajë rolin e saj dhe të bëjë gjithcka për të lehtësuar sadopak këtë krizë.”- përfundoi Rama.
