“Më 18 qershor ndahemi njëherë e mirë nga e shkuara”. Kështu ka deklaruar kryeministri Rama gjatë një takimi me votuesit për herë të parë në Berat. Shefi i qeverisë tha se më 18 qershor do vazhdojmë përpara në rrugën e vështirë të të bërit shtet dhe do të pastrojmë Shqipërinë nga prokurorët dhe gjyqtarët e korruptuar. Vota e 18 qershorit ka një rëndësi shumë të madhe, pasi ndan qartë sesi do jetë e nesërmja, tha kryeministri. Do jetë me Europën për një Shqipëri siç duam, apo do kthehemi pas në bunkerin e plastmasit ku PD po shkruan faqen më të zezë të historisë së saj, nënvizoi Rama
“18 qershori është një moment i rëndësishëm për Shqipërinë që duam. Më 18 qershor ndahemi njëherë e mirë nga e shkuara dhe do marrim vendimin për të pushuar nga puna prokurorët dhe gjyqtarët e korruptuar. Do të vazhdojmë përpara në rrugën e vështirë, por në rrugën e vetmë, që është rruga për të bërë shtet, punë dhe mirëqenie. Vota e 18 qershorit ka një rëndëi shumë të madhe, pasi ndan qartë sesi do jetë e nesërmja. Do jetë me Europën për një Shqipëri siç duam, apo do kthehemi pas në bunkerin e plasmasit ku PD po shkruan faqen më të zezë të historisë së saj.”, tha Rama.
Rama tha se PD është futur në rrugën pa krye të bojkotit të zgjedhjeve, për shkak të frikës nga drejtësia. Rama tha PD po tenton të trembë ata që jetojnë në këtë vend, por asgjë nuk do të ndodhë.
“PD ka vendosur që të braktisë zgjedhjet dhe të futet në rrugën pa krye të frikës që e ka kapur lidershipin e saj nga drejtësia. Janë tmerrësisht të trembur nga zbatimi i drejtësisë dhe duan të mos bëjnë zgjedhje dhe duan të trembin të gjithë atë që jetojnë në këtë vend. Këtu nuk do bëhët asgjë tjetër përvec vullnetit të atyre që e duan Shqipërinë si gjithë Evropa”, tha Rama.
Rama tha se sa më shumë tentojnë të pengojnë Shqipërinë të bëhet vendi që duam, aq më shumë do kuptojnë se nuk kanë parë gjë akoma.
Rama kishte edhe një ftesë për të rinjtë
“Më 18 qershor do të mbyllet edhe kapitulli i PD siç e kemi njohur deri tani. Hapuni krahët shoqeve dhe shokëve që keni në klasë, lagje dhe që janë me PD. Thuajuni se nëse PD u la në baltë dhe kërkon t’u bëjë mish për top, ne i mirëpresim dhe nuk do ti lëmë kurrë në baltë. Për ne Shqipëria nuk është e ndarë në parcela sipas partive”, tha Rama./Javanews.al
c.a
