Procesi i korrjes së grurit ka nisur zyrtarisht në zonën e Sukthit dhe të Katundit të Ri në Durrës. Ditën e hënë, ecuria e këtij procesi bujqësor është pasqyruar përmes një videoje të publikuar nga Kryeministri i vendit, Edi Rama, në rrjetet e tij sociale.
Kreu i qeverisë e ka cilësuar punën e fermerëve vendas si një shembull të nxjerrjes së vlerave maksimale nga toka bujqësore, duke përcjellë edhe një mesazh vlerësimi për angazhimin e tyre të përditshëm.
“Mirëmëngjes dhe me këtë pasqyrë të Shqipërisë që punon, nga korrja e grurit në Sukth dhe Katund i Ri, në Durrës, ku njerëzit e punës nxjerrin çdo ditë më të mirën nga toka shqiptare, ju uroj një javë të mbarë”, shkruan Rama në rrjetet sociale.
