Sikurse ishte planifikuar, kryeministri Rama mblodhi sot në ambientet e Këshillit të Ministrave deputetët e rinj të zgjedhur në 25 Qershor si dhe kryetarët e Bashkive.
“Ta mbajme mire vath ne vesh, një mbështetje e tillë nuk është vlerësim për aq sa kemi bërë sesa besim për atë që mund të bëjmë. Mos justifikimi i këtij besimi do të ishte fatal për PS-në. Pas 4 vitesh qeverisje kemi marrë më shumë vota. Nëse ata që u larguan nuk do të kishin këtë rezultat nëse do të mbanin edhe përgjegjësinë” – tha Rama.
Sipas tij, gjatë këtij mandati janë shfaqur jo pak sjellje jo të respektueshme dhe kjo duhet të marrë fund.
“Falënderoj partnerët e mandatit që mbyllëm për votat që dhanë për reformat. Falënderoj Metën, jo për gjërat që i coi edhe një herë për dreq, duke hedhur në ere projektin strategjik të së majtës, por për kontributin që dha për reformat. Meta i mori votat tona për të qenë president konsensual dhe ko konfliktual, dhe të fokusohet te riparimi i dëmeve të mëdha që i bëri figurës së kreut të shtetit këto 40 ditë fushate. Nuk duhet të damkoset pa hyrë ende në zyrë figura e presidentit të republikës” – tha Rama.
Rama tha se LSI është para Shqipërisë një vrimë në ujë.
Kryeministri paralajmeroi edhe nje parlament me serioz.
“Parlamenti nuk mund të jetë një kazan politik. Ndaj ne do ndryshojmë mënyrën e drejtimit të Kuvendit” – tha Rama.
Nga ana tjetër, kreu i PS paralajmëroi ngritjen e një grupi pune nën kryesimin e Gramoz Ruçit, që sipas tij do të merret me funksionimin e PS-së në qarqe duke krijuar “Rrjetin Kombetar të Zyrave të Deputetëve”.
Në këtë projekt, tha Rama, pritet që deputetët të zhvillojnë dëgjesa me qytetarët.
“Skuadra e re qeverisëse do të jetë gati vetëm në fillim të shtatorit, ajo që zien në kazanet e katundit mediatik, le të vijojë. Tur 30 ditor për të nxjerrë në pah problematikat kryesore në cdo qark. Udheqësit në qarqe do të paraqesin një dokument kombëtar që do të paraqitet në Asamblene e PS në fund të gushtit. Të rinjte e diplomuar dhe me eksperienca janë të thirrur të paraqesin CV e tyre për të shëruar kancerin e administratës. Ne nuk morën vota për të marrë tepsinë për vetë, por për të cuar tepsinë për skrap. Në fushatë u bënë publike raste dramatike nepotizmi, LSI partia me e prekur e këtij kanceri antishtet. Do ndërhyjmë në ligjin e konfliktit të interesave. Pastrimin më parë do ta nisim nga vetja“, tha Rama.
Kryeministri Rama u ndal dhe tek marrëveshja me Bashën duke theksuar se do të jetë busulla e orientimit për të ardhmen politike në vend.
“Dora e bashkëpunimit do të jetë e shtrirë për ata dhe PD. Marrëveshja me PD do të mbetet busull orientuese në marrëdhëniet me opozitën. Prioriteti ynë do të jetë nxjerrja e mësimeve të këtij mandati përmes një reflektimi serioz”.
***
Kryeministri Edi Rama, pas fitores së thellë që korri në zgjedhjet e 25 qershorit, ku PS-ja arriti të siguronte 74 mandate, do të zhvillojë sot një takim me deputetet e rinj dhe ata që morën pjesë në garë.
Në fokus të takimit që pritet të nisë në orën 11:00 do të jenë shqetësimet e qytetarëve ndaj administratës publike. Rama do u kërkojë deputetëve të rinj që të mbledhin të dhëna dhe më pas të vënë në dijeni për çdo shqetësim që ndodh në qarqe sa i takon problemeve brenda administratës.
Në fjalimet e tij të shpeshta gjatë fushatës elektorale kryeministri Rama foli për administratë të politizuar dhe se ende qytetarët shqiptarë endeshin zyrave për informacione.
Dy ditë më parë kreu i qeverisë njoftoi se ai dhe grupi i tij do të zhvillojnë një tur përreth 30 ditë për të dëgjuar qytetarët e thjeshtë për shqetësimet që kanë ndaj qeverisë dhe administratës. Sipas tij, pas turit 30 ditor të gjitha të dhënat e mbledhura për institucionet dhe zyrat e shtetit, do të analizohen imtësisht qark për qark.
a.ç
