Temperaturat e larta kanë qenë shkak i shumë vatrave të zjarrit në vend të cilat herë pas here kanë vënë në rrezik edhe banesat e shumë qytetarëve.
Fatmirësisht deri më tani ka patur vetëm dëme materiale.
Një ndër zonat më të prekura nga zjarret ka qënë Lezha dhe Shkodra. Dhe për të përshëndetur aksionin e forcave të armatosura Edi Rama bën me dije se aksioni vijon dhe se ushtarët vijojnë punën pa pushim.
“Që mbrëmë vijon pa pushim aksioni i Forcave të Armatosura për të përmbajtur dhe shuar zjarret e rëna në Manati të Lezhës dhe Gajtan të Shkodrës…” shkruan Rama, postim i cili është pasuar nga shumë komente të qytetarëve, disa kritikë e disa vlerësues për punën./a.m.
